Avokati i njohur Ledio Braho i cilësoi ndryshimet e propozuara për Kodin Penal si anti-Kushtetuese. Braho duke analizuar propozimet e dy deputetëve të PS-së tha se nuk mundet dot që një shkelës i karantinës të dënohet edhe me gjobë edhe me burg, pra t´i jepen dy dënime për të njëjtën vepër.
Në vijim, Braho në një lidhje direkte me Faxnews, referuar procedurës se si po tentohen të miratohen ndryshimet në Kodin Penal, tha se kjo nuk mund të bëhet me një procedurë të përshpejtuar.
Një nga ndryshimet e propozuara nga ligjvënësit socalistë është dënimi me burg deri në 15 vjet, gjë që sipas avokatit Braho përafrohet me veprën penale të vrasjes me dashje.
Kjo sipas avokatit nuk qëndron pasi një person mund t´a thyejë karantinën, por qëllimi i tij nuk është për të sëmurur apo infektuar persona të tjerë.
Avokati Ledio Braho arsyeton se këto ndryshime kanë një sërë problematikash, ndërkohë që shton se debati për miratimin e këtyre ndryshimeve mund të zgjasë dhe deri nga koha që të hyjnë në fuqi do të ketë mbaruar gjendja e jashtëzakonshme.
Një problem tjetër që shton avokati Braho ka të bëjë me faktin e përcaktimit të shkakut të vdekjes së personit, pasi nuk bëhet autopsia se personit që ka ndërruar jetë.
“Urdhërat e Ministrisë së Shëndetësisë nuk janë botuar në Fletoren zyrtare që të marrin fuqi duhet të botohen në fletoren zyratre përderisa nuk janë botuar në fletroren zyrtare këto nuk kanë fuqi.
Ka një parashikim deri 15 burg, kjo përafrohet me vrasjen me dashje nga 15-20 vite burg. Nuk është e qartë, pasi nuk kanë parashikuar asnjë nga elementët e veprës penale. Në momentin që themi ana subjektive, do të themi se këto vepra kryhen me dashje apo jo. Dalja nga karantina mund të kryhet nga personi, por nëse infekton dikë kjo nuk bëhet me dashje. Këtu pasojat vijnë nga pakujdesia. Kodi penal vrasjen nga pakujdesia e dënon me gjobë ose deri në 5 vjet.
Ka shfuqizuar vendimin, ligjvënësi propozon një dënim antikushtetutes. Ka një sërë problematikash. Edhe sa i përket iniciativës, duhet të ndjekë procedurën paralamentare normale. Do të kemi parasysh debatin që do të vijojë, kohën që duhet për ta miratuar dekreti do ti shkojë Kuvendit, më tej do të duhet sërish kohë dhe më tej do të hy në fuqi pas 15 ditësh. Bëhet fjalë më shumë se dy muaj nuk besoj se do të ketë më masa të tilla. Duket një ndryshim që nuk ka ndodhur askund deri tani.
Nuk bëhet autopsia e personave që ndërrojnë jetë dhe kjo ka nxitur një debat shumë të madh në lidhje me vërtetimn nëse vdekja ka ardhur nga koronavirusi apo jo. Nuk vërteton dot shkakun nga ka ardhur vdekja e personit dhe kjo hedh dritë mbi këto vepra penale.
Kur të hyjnë ndryshimet në fuqi, nuk do të ketë më gjendje të fatkeqësisë natyrore. Janë ndryshime që bëhen për të ushtruar presion ndaj qytetarëve që do të dënoheni. Elementi kohë e ka të pamundur që të zbatohen”, tha Braho.
Ai u shpreh se referuar edhe qëndrimeve dhe deklaratave të Presidentit, me shumë gjasa Kreu i Shtetit do të kthejë mbrapsht në Kuvend për ri-shqyrtim ndryshimet, që do të thotë se Kuvendi do të rikthehet prapë në diskutime dhe këto ndryshime nuk kanë veprim prapaveprues.
