Debati për testimet është një debat që zhvillohet jo vetëm në Shqipëri, por në mbarë botën. Disa vende i kanë kushtuar rëndësi strategjisë, ndërsa disa të tjerë aplikojnë testimet masive të popullsisë.
Mjeku shqiptar në Amerikë, Ervin Mazniku në një lidhje për Ora News tha se testimi është i rëndësishëm sepse nëpërmjet testimeve është më e qartë të bëhet tabloja e individëve.
Ervin Mazniku: Testimi është një nga elementët me të rëndësishëm sa i përket krijimit të imunitetit. Në shumicën e vendeve e kanë aplikuar këtë lloj pandemie në dy mënyra, nëpërmjet distancimit të egër social dhe nëpërmjet testimeve.
Vendet që kanë dhënë rezultate pozitive sa i përket testimeve janë Singapori, Koreja e Jugut dhe Gjermania. Vetë fakti që këto shtete kanë aplikuar testime në mënyrë të menjëhershme tregon që testimi ka funksionuar.
Testimi është i rëndësishëm sepse nëpërmjet testimeve është më e qartë të bëhet tabloja e individëve. Në fund të fundit testimi është ai që të ndihmon të parandalosh dhe në rastin e një pandemie të tillë parandalimi është mbrojtja më e mirë.
Testimi masiv i popullsisë është reaksioni zinxhir pozitiv, ai ndikon në mënyrë të drejtpërdrejtë në zbutjen dhe imapktin negativ të pandemisë, në shëndetin fizik dhe mendor dhe në aspektin financiar të popullatës.
