Aktori i humorit, Ermal Mamaqi, në një lidhje direkte me Rudina Magjistarin në emisionin e pasdites, ka folur edhe për fitimet që po korr nga transmetimi i dy filmave të tij të fundit, online. Aktori dhe producenti tha se ka pasur një sukses, pasi janë bërë mbi 8000 veta që e kanë ndjekur filmin online.
“Neve na e ndërpeu pak virusi rrugën e filmit në kinema…dhe duke qenë se situata ndryshoi menduam ta nxjerrim online dhe me të vërtetë ka shkuar shumë mirë. Filmi është ndjekur nga më shumë se 8000 veta me shumë sukses,”- tha aktori.
“Filmi “I Love Tropoja” kushton 9.90 euro dhe të dy filmat bashkë kushtojnë 14.90 euro. Mund t’i shikoni sa herë të doni brenda 24 orëve”- shkruhet në website-n e krijuar nga Ermal Mamaqi.
Nëse bëjmë një llogaritje të thjeshtë i bie që minimumi i parave të fituara nga filmi online është 80 mijë euro.
Ai ka bërë një sqarim për të gjithë ndjekësit e tij gjithashtu, duke thënë se shumica e keqkuptuan, dhe menduan se filmi do të ishte online pa pagesë.
“Ka ndodhur një situatë shumë e bukur dhe me plot homor me këtë gjënë. Se kur unë thash “Hej miq filmi tashmëe është online” dhe më shkruajnë ç’është kjo që ti e ke nxjerrë filmin pa lekë. Ka shumë njerëz që shkruajnë: A është online, po pse është me lekë?”. E kërkojnë online po e kërkojnë falas. Dua të bëj një sqarim për të gjithë shqiptarët, se online nuk është falas por është në link. Nuk të detyron njeri ta blesh”,– u shpreh Ermal Mamaqi më emisionin e Rudina Magjistarit.
