Aktorja britanike që luajti rolin e Pussy Galore në filmin James Bond Goldfinger, Honor Blackman, ka ndërruar jetë në moshën 94-vjeçare.
Familja e saj tha se aktorja vdiq për shkaqe natyrale në shtëpinë e saj në Lewes, East Sussex.
“Me një kombinim të jashtëzakonshëm të bukurisë, trurit dhe aftësisë fizike, së bashku me zërin e saj unik dhe një etikë të përkushtuar në punë, ajo arriti një status të pashembullt në botën e filmit,”– tha familja e saj në deklaratë.
“Me përkushtim absolut dhe profesionalizmin e plotë ajo kontribuoi në disa nga filmat dhe prodhimet më të mëdha të kohërave tona. Ne ju kërkojmë që të respektoni privatësinë e familjes sonë në këtë periudhë të vështirë”– shtuan më pas.
Blackman ishte e njohur për rolin e Cathy Gale në The Avengers në vitet 1960. Gjithashtu e ndjera ka luajtur rolin e Hrea në Jason si edhe në The Upper Hand në vitet 1990.
