Tifozët e futbollit kanë votuar trajnerin gjerman të Liverpoolit, Jurgen Klopp, si trajnerin më të mirë në botë.
Strategu gjerman, i cili e mori drejtimin e Liverpoolit në vitin 2015, ka arritur t’i fitojë trofetë e Ligës së Kampionëve, Superkupës së Evropës, Kupës së Botës për Klube dhe e ka fituar çmimin e FIFA-s për trajnerin më të mirë të ekipit të djemve për arritjet e tij.
Dy-herë fituesi i Bundesligës me Borussia Dortmundit, Klopp, kishte qenë afër t’ia fitojë edhe Liverpoolit titullin e parë si kampion i Anglisë në 30 vjet, por sezoni është pezulluar shkaku i përhapjes së koronavirusit.
Në vendin e dytë renditet Pep Guardiola ndërsa podiumin e plotëson Zinedine Zidane. Mjeshtri i mbrojtjes, Diego Simeone, i cili e eliminoi Liverpoolin e Kloppit nga Liga e Kampionëve në fazën e 1/8 të finales muajin e kaluar, është listuar i katërti, ndërsa Jose Mourinho ka rënë në vendin e nëntë.
- Jurgen Klopp
- Pep Guardiola
- Zinedine Zidane
- Diego Simeone
- Carlo Ancelotti
- Antonio Conte
- Didier Deschamps
- Luis Enrique
- Jose Mourinho
- Max Allegri
