Federata Spanjolle hedh poshtë hipotezën e ndeshjeve çdo 48 orë

Në mënyrë që sezoni të përfundojë sa më shpejt, në shumë liga të ndryshme është përfolur që ndeshjet të luhen çdo 48 orë.

Kundër kësaj ideje është Federata Spanjolle Futbollit. Pas një mbledhje me përfaqësues të La Ligës dhe të Shoqatës së Futbollistëve, RFEF ka hedhur poshtë këtë ide duke mbrojtur kështu futbollistët.

LEXO EDHE  Bundesliga, java e 28-të mbyllet me këto pesë sfida

Futbolli në Spanjë po përgatitet për rikthimin në fillim të muajit qershor dhe ditët e fundit ishte hedhur ideja e zhvillimit të ndeshjeve çdo 48 orë, por në mbledhjen e sotme u vendos që asnjë ndeshje nuk do të zhvillohet më shpejt se 72 orë.