VIDEO/ Ja si po e fiton Çekia betejën me Covid 19, Berisha apel qytetarëve

Ish-kryeministri Sali Berisha ka shpërndarë në rrjetet sociale një video ku tregohet se si Republika Çeke, ndryshe nga shumë shtete të tjera në Europë dhe në Botë, po e fiton me ritme më të shpejta luftën me Koronavirusin.

Në video tregohen masat që mori Çekia për të parandaluar përhapjen masive të pandemisë, masa këto që mund dhe duhet të vlejnë edhe për qytetarët shqiptarët.

“Me lutjen time më të njerëzishme për secilin prej jush dhe në interesin tuaj personal më të mirë, hidhni një sy kesaj videoje dhe shpërnadjeni tek miqte tuaj atë”, shkruan ish-kryeministri Berisha.

Në videon shpjeguese thuhet se çdo person që del nga shtëpia duhet të mbajë të vendosur maska, e cila parandalon përhapjen e virusit, edhe nëse në rrugë është një person i infektuar. Videoja shpjegon se dhe maskat e bëra vetë në kushtet e shtëpisë janë shumë efektive.

LEXO EDHE  Zgjedhorja/ Gjiknuri zbardh prapaskenat: Pranuam kërkesat e PD, ja si do veprohet me emigrantët

Fillimisht njerëzit që mbanin maska paragjykoheshin, por me kalimin e kohës përdorimi i tyre bëhet në masë, ndërsa prodhimi po kryhet dhe në kushe shtëpie apo në rrobaqepësi të vogla.

Edhe OBSH deklaroi disa ditë më parë se përdorimi i maskave mund të bëhet i detyrueshëm për të gjithë qytetarëve, pasi ka pasur zbulime se virusi mund të qendrojë edhe në ajër.