Dejan Stankovic ishte një lojtar kryesor në skuadrën e madhe të Interit në vitin 2010, ku zikaltërit nën drejtimin e Jose Mourinhos fituan tripletën e famshme.
Mesfushori serb, në një intervistë për “Sky Sport Italia”, ka folur për këtë periudhë të artë për klubin nga Milano si dhe nuk ka ngurruar të “thumbojë” Juventusin, duke deklaruar se pavarësisht shpenzimeve t të mëdha të bërë nga bardhezinjtë, ata nuk kanë mundur të arrijnë suksesin që ka pasur skuadra e tij.
“Shkruam historinë me atë skuadër të Interit. Vetëm me kohën po e kuptojmë se çfarë arritëm, është me të vërtetë e pabesueshme. Për shembull, Juventus nuk ka arritur ta bëjë këtë gjë, edhe pse kanë investuar shuma marramendëse parash”.
“Kujtoj se gjatë gjithë sezonit 2009-2010 ishim në formë të shkëlqyer, por muajin e fundit aty ku ndaheshin trofetë e rëndësishëm ne filluam të lëshonim terren me performancat tona, por aty hyri në lojë Mourinho i cili bëri të mundur të nxirrte nga ne pak më shumë se maksimumin”. ka thënë ndër të tjera Stankoviç.
