Ish-presidenti i Interit, Massimo Moratti, ka pretenduar se Interi ka çdo të drejtë të ëndërrojë për të sjellë Leo Messin në Giuseppe Meazza.
Ish-shefi i cili në të kaluarën bëri të mundur tranferimin e Ronaldos nga Barcelona te Milani, beson se ziktaltërit mund ta bëjnë realitet këtë transferim, ndërsa parashikon që “gjëra të çuditshme” do të ndodhin në futboll gjatë vitit 2020.
“Unë mendoj se Messi është një ëndërr aspak e ndaluar për Interin tani. Ndoshta nuk ishte një ëndërr e ndaluar edhe para fatkeqësisë së “Coronavirus”. Ai është në fund të kontratës dhe mendoj se ka, sigurisht, një përpjekje nga klubi për ta sjellë atë në Milano”.
“Në këtë situatë kartat janë në tryezë, nuk e di nëse janë pozitive apo negative. Sigurisht që nuk duhet të jesh tepër oportunist, për të kuptuar se kushdo mund të përfitojë nga situata, edhe në futboll. Unë mendoj se ekziston mundësia për të parë gjëra të çuditshme”.
“Nuk e di nëse situata e tanishme mund ta ndryshojë këtë objektiv për mirë apo për keq. Le të themi se gjithçka është vënë në dyshim. Unë mendoj se ka një shans për të parë gjëra mjaft të çuditshme në fund të sezonit. Sa i përket Lautaro Martinez, është e nevojshme të shihet nëse nuk implikohet nga situata të tjera më të rëndësishme, siç është ajo e Messit”.
“Nga ëndrrat e merkatos deri në aktualitetin e një kampionati, që nuk dihet se kur dhe nëse do të jetë në gjendje të fillojë përsëri, ka shumëçka për t’u konfirmuar. Normaliteti është zhdukur në futboll, ndoshta gjithçka ka ndryshuar”. – ka thënë ai për Radio Rai.
