Rasti i ri në Fier me Covid-19, mësuesja dyshohet se u infektua në ashensor

Një tjetër rast me koronavirus është zbuluar në Fier. Bëhet fjalë për një mësuese, e cila banon në lagjen 15 tetori, në të njëjtin pallat ku më parë ishin zbuluar edhe dy raste, një çift të moshuarish.

Dyshimet janë se mësuesja mund të jetë infektuar nga përdorimi i ashensorit, pasi ajo s´ka pasur kontakte të drejtpërdrejta me çiftin e të moshuarve të prekur nga Covid-19.

LEXO EDHE  Arrestohet organizatori i trafikut të heroinës të kapur më 17 maj në portin e Durrësit

Gjithsesi këto mbeten vetëm dyshime, ndërsa autoritetet shëndetësore po gjurmojnë kontaktet e mësueses.

Qarku i Fierit është një nga më të prekurit nga Covid 19, pas Tiranës, Shkodrës dhe Durrësit. Deri mesditën e djeshme, në Fier, sipas të dhënave zyrtare nga Ministria e Shëndetësisë, numri i të prekurve ka qenë 25 pacientë, ndërsa njeri prej tyre ka humbur jetën.