Jordi Cardoner, zëvendëspresidenti i Barcelonës, ka rezultuar pozitiv me Covid-19. Tashmë numri i të prekurve në klubin spanjoll shkon në tre persona.
Pak kohë më parë, Ramon Canal dhe Josep Antoni Gutierrez, ishin të infektuarit e parë te Barcelona me coronavirus dhe gjendja e tyre është e mirë. I pari është drejtor i shërbimeve mjekësore në klubin e La Liga, kurse tjetri është mjeku përgjegjës për ekipin e parë të hendbollit.
Lajmi që Cardoner ka dalë pozitiv raportohet nga Metropoli Abierta, ndërkohë që Mundo Deportivo shkruan se nuk ka pasur komplikime dhe shërimi i tij vijon në mënyrë të kënaqshme.