Legjenda e Barcelonës, Xavi Hernandez, ka bërë një gjest vërtet madhështor ditën e sotme.
Ndërsa Spanja po përballet me një situatë shumë të vështirë nga coronavirusi, ish-futbollisti i Barcelonës ka njoftuar se së bashku me bashkëshorten e tij kanë dhuruar plot 1 milion euro për spitalin e Barcelonës.
Gjeniu i mesfushës shprehet që të gjithë duhet të kujdesen për veten dhe të qëndrojnë në shtëpi dhe të jenë të duruar.
“Nuria dhe unë po japim mbështetjen tonë për spitalin “Clínic de Barcelona” në luftën kundër koronavirusit. Falë donacioneve që spitali po merr, ata po marrin pajisje shumë të nevojshme për mjekët dhe pacientët. Bashkohuni me #respuestacoronavirus, shkoni në faqen e internetit të Spitalit dhe jepni kontributin tuaj. Me ndihmën e secilit, ne do ta kapërcejmë këtë” , – ka deklaruar Xavi.