Pas mbylljes së kufijve, për shkak të koronavirusit, shqiptarët hasin probleme në dogana duke qëndruar me orë të zgjatura të në to, madje ka dhe raste kur i kthejnë sërish mbrapsht.
I tillë është rasti dhe i personave që shihni më poshtë. Ata kanë mbetur në tokën neutrale në Kapshticë, që prej paradites së djeshme, rreth orës 10:00.
Mësohet se policia në godanën greke i ka lejuar të kalojnë, ndërsa policia shqiptare nuk i lejon të futen në Shqipëri.
Mësohet se më shumë se 16 shqiptarët e bllokuar në Kapshticë janë nga Gramshi, Burreli, Elbasani, Korça, ndërsa njëri prej tyre nuk ndihet mirë. Siç shihet në fotot ata e kanë kaluar natën pranë një zjarri me kartonë në Kapshticë, teksa moti i acartë me reshje dëbore ka “pushtuar” zonën.
Edhe pse qytetarët kanë telefonuar për ndihmë pranë institucioneve, askush nuk iu është përgjigjur, edhe pse është policia shqiptare që i mban të bllokuar.
