Pas Republikës Çeke dhe Sllovakisë edhe Austria e Sllovenia e kanë bërë të detyrueshme mbajtjen e maskave në hapësirat publike. “Padyshim që nuk është në kulturën tonë, por kjo është mënyra se si vendet aziatike arritën të kenë vetëm disa raste në ditë”.
Kështu e ka argumentuar detyrimin për mbajtjen e maskës kancelari konservator austriak, Sebastian Kurz. Në Austri që nga 1 prilli, është e detyrueshme që të mbahen maskat kudo në vende publike e sidomos në supermarket.
Nuk ka një afat se deri kur do të zgjasë ky detyrim. Austria ndoqi Slloveninë në marrjen e kësaj mase, ndërsa Republika Çeke dhe Sllovakia e patën bërë vënien e detyruar të maskës në të gjitha vendet publike, si një masë kundër koronavirusit ditë më parë.
Në Bullgari, vënia e maskës gjithashtu rekomandohet me forcë, edhe pse qeveria u tërhoq të martën pas një vale protestsh nga ideja për tu vënë gjoba atyre që e thyenin rregullin. Në të gjithë Evropën Qendrore, vënia e detyruar e maskës po bëhet normë.
Në Pragë si në Bratislavë, të gjithë kalimtarët lëvizin me gojë dhe hundë të mbuluar, nën frikën e sanksioneve. Evropa Qendrore tani duket shumë e bindur se kjo është zgjidhja. “Z. Trump, përpiquni të mposhtni virusin me mënyrën çeke.
Vënia e një maske të thjeshtë zvogëlon përhapjen e virusit me 80 për qind,” shkroi në Tëeer më 29 mars kryeministri çek Andrej Babis. /Le Monde
