Nënkryetari i PD-së, Edmond Spaho akuzon kryeministrin Edi Rama se nuk ka dhënë asnjë lekë për qytetarët në muajin mars, ndërkohë ka bërë të kundërtën me o;ligarkët të cilëve u ka dhënë para për tendera.
Sipas Spahos, rama ka shpenzuar 26.5 mln euro vetëm për shpenzime luksi.
Deklarata
Nënkryetari i PD, Edmond Spaho publikon faktet zyrtare: Ne Mars Rama nuk dha asnjë qindarkë për shqiptarët, pagoi tendera luksi
Në muajin mars, muaji i shpërthimit të epidemisë në Shqipëri, qeveria ka kryer 225 tendera. Ka shpenzuar 26.5 milionë euro kryesisht për luks, pa garë dhe pa kursime.
Edi Rama ka lekë në buxhet për të paguar çdo shqiptar të mbetur pa punë për shkak të epidemisë, por ai i shpenzon taksat e shqiptarëve për luks.
Edi Rama ka lekë në buxhet për të financuar ekonominë qe të mos rrënohet, por ai ua jep klientëve të tij në tendera pa garë. Të dhënat në video i japin përgjigje pyetjes se kush është prioriteti i Edi Ramës: klientët apo shqiptarët
