Ish-deputetja demokrate, Dhurata Çupi, ka renditur 5 rastet kur Edi Rama ka vendosur kundër pronarëve.
Referuar Akteve Normative që ndërhyjnë edhe në raportet mes qiramarrësve dhe qiradhënësve, Çupi kërkon nga Qeveria të subvencionojë qeratë.
Ish-deputetja shkruan se sjellja e Edi Ramës me pronën ka qenë gjithmonë armiqësore.
“Vendimi për mospagimin e qerave është një prej tyre. Po rendis vetëm aktet e tij si kryeministër, prej 2013-ës.
1. Shfuqizoi ligjin për pronat dhe niratoi një ligj grabitës për pronarët. Pas 7 vitesh, askush askush nuk ka përfituar asnjë m2 pronë.
2. Miratoi një VKM që parashikon shembjet e banesave dhe ndërtimeve edhe në pronat private, qofshin edhe me leje. Gjykata Kushtetuese e rrëzoi, por Rama e shpërfilli vendimin. Shembi ndertime me leje dhe cënoi të drejtën e kompensimit të mijëra qytetarëve .
3. Shpronësoi pronat dhe banesat e qytetarëve pa respektuar asnjë procedurë ligjore, në favor të klientëve të vet dhe aferave personale.
4. Krijoi të ashtuquajturë Korporatë të Investimeve, që shtetëzon pronën private dhe publike për ndërtimin e fshatrave turistikë nga klientët e tij.
5. Miratoi taksën e pronës në masë dispropocionale. Sot shqiotarët paguajnë taksënmë të lartë mbi pronën në rajon”, shkruan Çupi.
Sipas saj, shtyrja e qerasë nuk ndihmon asnjërën palë, por vetëm sa rrit borxhin e qeramarrësve.