Në Itali, gjatë 24 orëve të fundit, kanë humbur jetën nga koronavirusi 766 persona. Dje ishin 760 viktima. Ndërkohë, rastet e reja me COVID-19 janë 2339. Dje, rastet e reja ishin 2477.
“Bllokimi kombëtar i lëvizjes në Itali, në përpjekje për të parandaluar përhapjen e koronavirusit, me shumë mundësi do të zgjasë përtej ditëve të para të muajit maj”, deklaroi kreu i agjencisë së Mbrojtjes Civile, Angelo Borrelli.
Në fillim të kësaj jave qeveria zgjati afatin e gjendjes së karantinës deri më 13 prill dhe kjo nënkupton ndalim të lëvizjes dhe mbylljen e dyqaneve dhe aktiviteteve që nuk konsiderohen si të domosdoshme në këto kohë.
