Sherif Kallaku, futbollist i Teutës, ka reaguar pasi kryeministri Rama tha se nuk do të ketë një plan financiar për të mbështetur futbollin shqiptar, si ndihmë për emergjencën e koronavirusit.
Me ironi lojtari, me anë të një story në Instagram, ka thënë:
“Dëgjuam kryeministrin! E tha prerë, madje me arrogancë: asnjë ndihmë për futbollin shqiptar..
“Nuk ka asgjë për t’u habitur. Kryeministri ynë ka kohë që nuk reagon aty ku duhet, aty ku ka nevojë, por vetëm aty ku mund të fitojë duartrokitje ndërkombëtare…”
“Ka kohë që nuk i hyjnë më në sy duartrokitjet e shqiptarëve. Ndaj, maksimumi që mund të bëjë është të çojë edhe dy infermiere shtesë: një për të ëmën e Buffon, një për të ëmën e Ronaldos”.
