E ardhmja e Zlatan Ibrahimovic te skuadra e Milanit prej kohësh ka qenë temë diskutimi. Së fundmi mediat italiane kanë bërë të ditur se gjiganti suedez do të largohet në fund të sezonit me argumentimin se lojtari nuk e pëlqen aspak situatën e krijuar në klubin kuqezi.
Në lidhje me këtë temë ka hedhur dritë vetë Ibrahimoviç, i cili edhe vetë shpreh paqartësitë e veta: “Të shohim, nuk e di akoma se çfarë dua. Çdo ditë ndodh diçka e re. Kush mund ta kishte parashikuar këtë coronavirus? Duhet të shijojmë më shumë jetën. Kam një familje për të cilën duhet të kujdesem, ata ndihen mirë këtu, un po ashtu”, u shpreh Ibrahimoviç për “Svenska Dagbladet”.
Një tjetër hipotezë për karrierën e Ibrës, është se ai mund t’i thotë lamtumirë futbollit në fund të këtij sezoni.
