Futbollisti i famshëm, Ashley Cole, ka përjetuar momente tmerri, pasi disa persona me maska kanë hyrë në shtëpinë e tij ndërsa e kanë sulmuar.
Ish-futbollistit të Chelsea iu vodhën disa stoli me vlerë të madhe, ndërsa sipas burimeve angleze gjatë kësaj kohe futbollisti ka qenë i lidhur në një karrige nën kërcënime të vazhdueshme.
“Ishte një përvojë e tmerrshme. Grabitësit duhet të kenë qenë profesionistë dhe e dinin saktësisht se çfarë bënin. Ata duhet ta kenë ndjekur Ashley dhe vendin paraprakisht”, tha një burim i “The Sun“.
Ngjarja ka ndodhur në mbrëmjen e 21 janarit të këtij viti, në Fetcham, Surrey në Angli, ndërsa lajmi nuk është bërë i ditur në atë kohë.
