Ish-deputetja demokrate, Grida Duma ka postuar një video ku nxjerr në pah mashtrimet e kryeministrit Edi rama dhe të rilindjes, ndërsa propagandojnë sikur po ju vijnë në ndihmë qytetarëve në nevojë dhe pesnionistëve në këto ditë të vështira.
Në postimin e saj në facebook, Duma shkruan se ilaçet ushqimet dhe nevojat e qytetarëve nuk mund të plotësohen me proagandë.
Ja postimi i Dumës:
Shqipëria që duhet, është vendi i njerëzve që karantinohen për të jetuar, jo për t’u sëmurur.
Shqipëria bëhet kur e vërteta të takohet me guxim pa mllef dhe duf.
Shqipëria që duhet, kujdeset për qytetaret e saj pa shfryrje inatesh mbi qytetarët e vet por me kujdesin e detyruar e përgjegjshmëri.
Shqipëria që duhet ka gra si kjo, që megjithëse në hall, nuk shfryjnë, nuk shajnë, nuk mallkojnë por na tregojnë; tregojnë me sa munden pamundësinë e tyre!
Nevoja për ushqim, ilaçe, e mbijetesë, nuk mund të mbyten nga propaganda.
Shqipëria që duhet, bëhet duke marrë përgjegjësitë për të rishpërndarë paratë e shqiptarëve tek nevojtarët jo tek klientet miliarderë!
Shqipëria që duhet është Shqipëria ku paratë e përbashkëta shkojnë tek ata që kanë nevojë sot më shumë se kurrë. ‘
