Të burgosurit tentojnë arratisjen prej koronavirusit, 23 vdesin nga përleshjet

Në burgjet e Kolumbisë shpërthyen trazirat e dhunshme nga frika e përhapjes së Covid-19 në dhomat e paraburgimit.

Një i burgosur në Bogota tha për ‘France24’ se burgjeve i mungojnë masat më themelore të higjenës, ndërkohë që pjesa tjetër e vendit është izoluar në përpjekje për të shmangur përhapjen e infeksionit.

Më 21 mars u zhvilluan trazira të koordinuara në 13 qendra paraburgimi në të gjithë Kolumbinë.

LEXO EDHE  Strategjia e migrimit/ Tre udhëheqës europianë thirrje KE të ndalojë emigrantët

Përleshjet më të dhunshme ndodhën në La Modelo, një nga burgjet më të mëdha dhe më të rrezikshme në kryeqytetin e Bogotës. Si pasojë, 23 të burgosur ndërruan jetë dhe 90 persona, përfshirë shtatë roje u plagosën.

Disa të burgosur u përpoqën të arratiseshin dhe pamjet e përplasjeve të dhunshme janë publikuar në rrjete sociale.