VIDEO/ Shkeli dy herë urdhërin për mbylljen e lokaleve, i pezullohet aktiviteti për 6 muaj

Një subjekt, i cili ka shkelur urdhërin për mbylljen e lokaleve, i është pezulluar aktiviteti për 6 muaj.

Njoftimi është bërë nga Kryeministri Edi Rama, i cili ka publikuar edhe një video.

Specialistët e Krimit Ekonomik në Komisariatin e Policisë Nr. 4, në zbatim të pikës 7 të nenit 3 të Aktit Normativ nr. 3 datë 15.03.2020, i ndryshuar, kanë konstatuar një bar-kafe të hapur në rrugën “Sadik Petrela”, me pronare shtetasen R. F., e cila vazhdonte aktivitetin në kundërshtim me përcaktimin e këtij Akti.

LEXO EDHE  "Shi dhe breshër"/ Njihuni me surprizat e motit nesër

Disa ditë më parë, ndaj pronarit të lokalit është vendosur masa administrative 100.000 lekë dhe për shkelje të përsëritur, iu vendos masa administrative e mbylljes së aktivitetit për një periudhë 6-mujore.

Që nga dalja e këtij Akti Normativ deri tani janë ndëshkuar 146 administratorë lokalesh, për shkelje të Aktit Normativ.