Ambasada amerikane në Tiranë njofton shtetasit e saj, që jetojnë në Shqipëri, se me mbylljen e fluturimeve për shkak të krizës nga koronavirusi, po punohet për t’ju gjetur mundësi të tjera udhëtimi qytetarëve amerikanë që duan të largohen.
Në një postim në rrjetet sociale, ambasada shkruan se “të gjitha fluturimet komerciale nga Shqipëria janë tashmë mbyllur deri në një njoftim të dytë”.
Ambasada e Shteteve të Bashkuara thotë se po punon për të identifikuar mundësi të tjera udhëtimi për qytetarët amerikanë që duan të largohen nga Shqipëria.
“Nëse jeni qytetarë amerikanë dhe dëshironi të largoheni nga Shqipëria, kontaktoni menjëherë [email protected] me emrin tuaj, ditëlindjen, numrin e pashaportës dhe informacion kontakti në Shqipëri”, thuhet në njoftimin e ambasadës.
