Riatdhesimi i shqiptarëve, mbërrijnë 6 të parët nga Bari/ Ja si i dolën testet e Covid 19

Riatdhesimi i shqiptarëve që kanë mbetur në shtete të ndryshme të Evropës, si pasojë e mbylljes së kufinjve nga pandemia e Covid 19, ka nisur sot me 6 shtetasit e parë, që ishin bllokuar në Bari (Itali).

Rikthimi i tyre është mundësuar me tragetin e mallrave nga Bari në Durrës nën masa të rrepta sigurie. Atyre u është kryer edhe testi i COVID-19 nga ku kanë rezultuar negativë.

Në bashkëpunim mes konsullatës shqiptare dhe autoriteteve italiane, shqiptarët e kthyer tashmë duhet të qëndrojnë edhe 14 ditë në vetëkarantinim.

LEXO EDHE  VIDEO/ Maliqi: Rama nuk e lëshon pushtetin, tymin e bardhë do e nxjerrin shqiptarët

Nga dita e hënë pritet të nisin fluturimet e para për riatdhesimin e shtetasve shqiptarë, pjesa më e madhe e të cilëve kanë mbetur në Itali, Gjermani, Zvicër, Austri etj.

Kryeministri Edi Rama njoftoi dje se fluturimet do të realizohen me “Air Albania” dhe qytetarët e mbetur në aeroporte apo në rrugët e Europës nuk do të paguajnë biletat.