Policia e Durrësit arrestoi një 46-vjeçar, i dënuar nga autoritetet e drejtësisë italiane me 13 vjet e 4 muaj burg.
I arrestuari është Artur Vaqo, 46 vjeç, banues në Durrës.
Gjykata e Torinos, këtë shtetas e ka dënuar me 13 vjet e 4 muaj burg, për kryerjen e veprave penale “Drejtim i organizatës kriminale, me qëllim trafikun ndërkombëtar të lëndëve narkotike” dhe “Përdorimi i armëve të zjarrit”, parashikuar nga Kodi Penal italian.
“Bashkëpunimi dhe koordinimi i veprimeve mes DVP Durrës dhe Interpol Tirana vë në pranga një të kërkuar, i dënuar në Itali për veprimtari kriminale në fushën e narkotikëve”, thuhet në njoftimin e policisë.
