Grenell: Jam krenar që jam gay, komentet fyese duhet të dënohen

I dërguari i posaçëm i presidentit amerikan Donald Trump, për dialogun Kosovë-Serbi, Richard Grenell e ka pranuar tanimë hapur seksualitetin e tij.

Në një intervistë për “T7” Grenell, ka thënë se është krenar për seksualitetin e tij dhe se të gjithë ata që fyejnë duhet të dënohen.

“Shikoni, kam parë komente ku thuhet se unë po gënjej dhe kam marrë shumë mesazhe nga njerëzit që po përpiqen të përdorin ofendime homofobike ose anti-homoseksuale. Unë nuk besoj se këta njerëz janë shumica në Kosovë ose në rajon. Kjo qartazi duhet të dënohet. Jam shumë krenar që jam homoseksual, kështu si jam lindur dhe unë nuk tërhiqem nga kjo dhe mendoj se çfarëdo ofendimi anti-homoseksual ose homofobik duhet të dënohet gjerësisht” – tha Grenell.

LEXO EDHE  Qeveria 'Hoti', Tahiri: Kemi shumicën në parlament. AAK-LDK histori bashkëqeverisjeje