Dy raste të reja me COVID-19, shkon në 90 numri i të infektuar në Kosovë
Shkon në 90 numri i personave të infektuar në Kosovë, ku gjatë 24 orëve të fundit u konfirmuan dy raste të reja me koronavirus.
Gjatë 24 orëve të fundit janë kryer 38 testime prej të cilëve vetëm dy kanë rezultuar pozitive.
Rastet pozitive janë raste kontakti, një me vendbanim në Podujevë dhe tjetri në Prishtinë. Deri tani janë testuar gjithsej 1029 mostra të dyshimta më COVID-19, nga të cilat 90 raste janë pozitive dhe një ka humbur jetën.
