Koronavirus akoma nuk po jep shenja të ngadalësimit teksa përhapja e saj vazhdon në mënyrë konstante. Anglia po goditet nga virusi vdekjeprurës dhe çdo ditë po shtohen raste të reja. Futbolli në ishull vazhdon të jetë i pezulluar dhe ajo që mund të themi është që kampionati nuk do të rifillojë përpara 30 prillit.
Disa lojtarë të Premier League janë të infektuar. Së fundmi alarmi ngrihet për ekipin e West Ham pasi tetë lojtarë kanë shfaqur simptomat e virusit të rrezikshëm. Është CEO i klubit, Karren Brady, ai që ka deklaruar për “The Sun” lajmin jo të mirë.
“Janë tetë lojtarë të cilët janë vetëizoluar. Ata kanë shfaqur simptoma të Covid-19 dhe menjëherë janë izoluar në shtëpi. Fatmirësisht, që të gjithë. së bashku me familjarët e tyre gëzojnë shëndet të plotë. Për sa i përket kampionatit, plani është që ndeshjet të zhvillohen edhe në korrik”, mbyll Brady.
West Ham have eight players in self-isolation showing mild symptoms of coronavirus.
— Sky Sports News (@SkySportsNews) March 28, 2020
