“Të rrimë mbyllur në shtëpi që të mos shohim tragetet me mbetje që vijnë”/ Reagimet në rrjet

Një ngarkesë me pajisje shtëpiake të përdorura, të cilësuara si mbeturina, u bllokua në Portin e Barit nga zyrtarët e doganave dhe Financierët e Grupit II Bari, në kuadër të një operacioni kundër trafikut të paligjshëm.

Ngarkesa, e vendosur në një kamion me targa bullgare, kalonte tranzit nga Bari me destinacion Durrësin.

Makina larëse dhe soba të përdorura ishin ngarkuar në kamionin me rimorkio, ndërsa mungonte dokumentacioni që vërtetonte nëse pajisjet, 300 makina larëse dhe soba, ishin të ripërdorshme apo jo.

LEXO EDHE  6 raste të reja me COVID-19, shkon mbi 1 mijë në total numri i të infektuarëve

Ngarkesa e bllokuar në Bari peshonte mbi 18 ton.

Lajmi i mediave italiane ka shkaktuar reagime të ndryshme në rrjetet sociale. Në një prej tyre, thuhet se nga ora 13:00 deri në orën 05:00 të së hënës, shqiptarët duhet të rrinë brenda që të mos shohin tragetet e shumta që vijnë me mbetje të rrezikshme dhe që hidhen nëpër skutat e Shqipërisë.