Një adoleshente 16 vjeçare ka humbur jetën në Franë si pasojë e koronavirusit.
Julie, vetëm 16 vjeçe, humbi jetën, pasi ishte prekur nga Covid 19, ndërkohë që nuk vuante nga sëmundje të tjera.
Ajo është pacientja e parë e mitur që vdes nga kjo sëmundje në Francë, raporton “leparisien.fr”.
“Duhet të ndalemi së besuari se kjo sëmundje prek vetëm të moshuarit. Askush nuk është i paprekshëm nga ky virus”, shkruajti në një postim në rrjetet sociale, motra e madhe e të ndjerës, Manon.
Julie kishte shfaqur një kollë të lehtë javën e kaluar, por shëndeti i saj u përkeqësua këtë fundjavë dhe të hënën ajo u dërgua në spital. Atje pati edhe probleme me frymëmarrjen.
