Pak ditë më parë, Presidenti i SHBA-ve, Donald Trump, foli për një medikament të quajtur “Hydroxychloroquine” (ndryshe i njohur si Plaquenil) dhe efektet e mundshme të tij pozitive, për të luftuar koronavirusin. Po kështu, ky medikament po përdoret në Francë, për personat që janë prekur më rëndë nga koronavirusi.
Por a ekziston ky ilaç në Shqipëri?
I pyetur nga Arian Çani në “Zonë e Lirë”, lidhur me këtë medikament, doktori Pëllumb Pipero konfirmoi se ai nuk gjendet në farmacitë shqiptare, por se sistemi shëndetësor shqiptar, ka në dispozicion një sasi të tij dhe janë në pritje që ky medikament të mbërrijë në vendin tonë në një sasi më të madhe.
Arian Çani: Ky ilaç nuk gjendet në farmacitë tona. Si i bëhet doktor?
Pëllumb Pipero: As në Amerikë dhe në disa vende të Evropës nuk gjendet, sepse qeveritë i kanë mbledhur. Ky medikament nuk duhet marrë në asnjë menyrë pa këshillën e mjekut… Kemi një sasi dhe po presim të na vijë një sasi tjetër.
