Ish-Kryeministri Sali Berisha ka publikuar në rrjet denoncimin me video të një qytetari, i cili pretendon se ndihmat që po shpërndahen për familjet në nevojë po vidhen.
“Lexoni mesazhin dhe shikoni videon e banorit në çadër, të cilit tërmeti i shkatërroi shtëpinë!”, shkruan Berisha, duke publikuar videon dhe denoncimin.
Sipas denoncuesit, në media dalin ushtarakë duke mbushur kuti të plota, ndërsa njesia administative Milot i shpërndan me thasë mbeturinash dhe ushqimet në total janë: Një Cola, një Sprite , dy miell, një oriz, një makaron, dy kripë edhe një Molto.
Denoncimi i publikuar nga Berisha
“Zoti Berisha!
Jam një qytetar i njësisë administrative Milot. Dua të denoncoj vjedhjen e hapur të ndihmave që kanë ardhur për të pastrehët në çadra, që jemi të mbyllyr në karantinë.
Me keqardhje dua të denoncoj propagandën qeveritare kundrejt realitetit që marrim. Në media dalin ushtarakë duke mbushur kuti të plota, ndërsa njesia administative Milot i shpërndan me thasë mbeturinash dhe ushqimet në total janë: Një Cola, një Sprite , dy miell, një oriz, një makaron, dy kripë edhe një Molto.
Këtë që po të nis e deklaroj me përgjegjësi të plotë ligjore që s’kam marrë asgjë tjetër. Emri i qytetarit që mori këtë ndihmë quhet …. kërkojmë t’i ruhet anonimiteti se mund t’i hapin probleme për rindërtimin e shtëpisë.”
