Dy vëllezër, 22 dhe 25 vjeç, banorë të Elbasanit, rezultojnë të infektuar me Covid 19.
Mësohet se ato janë fëmijët e 62-vjeçarit po nga Elbasani që një ditë më parë rezultoi pozitiv pas testit për koronavirus.
Dy vëllezërit janë karantinuar në banesën e tyre, ndërsa po gjurmohen kontaktet e tyre për të ndërprerë zinxhirin e përhapjes së virusit.
Me dy të infektuarit, numri total i të prekurve në Shqipëri shkon në 148. Aktualisht në spitalin Infektiv në Tiranë po marrin trajtim 72 persona, nga të cilët 4 janë në kushtet e terapisë intensive.
