Në një intervistë për emisionin “FanZone” të Supersport, mbrojtësi shqiptar, Amir Rrahmani tregon për gjendjen e shkaktuar nga coronavirusi në Itali por edhe te klubi i tij, Verona.
Qendërmbrojtësi ndër të tjera, gjithashtu ka folur edhe mbi mundësinë e rikthimit të skuadrave në seancat stërvitore dhe rinisjen e kampionatit.
Keni patur frikë dhe a ju është bërë tamponi?
Nuk na është bërë asnjë test, sepse nuk kemi patur asnjë simptomë. Para se të nisë stërvitja, mendohet me 4 prill, por do të jetë e vështirë, do të na bëhen testet.
Çfarë thuhet në Itali për rinisjen e kampionatit?
Presidenti i Italisë e ka vendosur që deri më 4 prill duhet të jemi të gjithë brenda, para dy ditësh ka dalë në konferencë e ka thënë se mund të shtyhet. Ende nuk dihet çfarë do të ndodhë.
Mendon në këtë kohë se është mirë të jesh ende beqar?
Tani po e kuptoj që jo, kam mbetur vetëm, me biçikletën.
Të vjen keq që u shty ndeshja me Maqedoninë?
Më mirë që është shtyrë, sepse do ta zhvillonim pa tifozë. E provuam me Sampdorian, ishte pa ndenja, pa entuziazëm. Familja ime? Të gjithë janë mirë, kanë qëndruar brenda. Shpresoj të kalojë kjo situatë sa më shpejt.
