Kryeministri Edi Rama ka publikuar pamje të avionit Air Albania, që transporton ndihma mjekësore nga Turqia, lidhur me përballimin e situatës së koronavirusit në vend.
“Lasgushi” në këtë çast duke u ngarkuar në Stamboll me armë për mbrojtjen e jetës së pacientëve dhe mjekëve tanë”, shkruan Rama në rrjetet sociale.
Disa ditë më parë, Rama kishte deklaruar se i ishte afruar mbështetje nga Turqia në rast se në vend do të kishte mungesë pajisjesh dhe mjetesh për pacientët me koronavirus.
Nuk dihet se çfarë pajisjesh mjekësore janë sjellë nga Turqia, por mendohet se janë maska dhe veshje për mbrojtjen e personelit mjekësor në atë që Rama e konsideron si luftën me armikun e padukshëm.
