Nënkryetari i PD-së, Edi Paloka, ironizoi sot Kryeministrin Edi Rama, pasi ky i fundit i shoqëruar nga drejtues të policisë dhe truprojat e tij, pa masa mbrojtëse, inspektoi respektimin e masave kundër koronavirusit nga qytetarët.
Paloka në një postim në rrjet shkruan se Rama nuk ka frikë virusin, por popullin.
“Kush thoshte që Rama ka frikë nga virusi?!!
Shpifje! Ja shiheni në rrugë, pa maskë e pa asnjë masë mbrojtëse ndaj virusit!
Ky nuk ka frikë nga virusi, ka frikë vetëm nga populli i tij, prandaj dhe tani mban një batalion me roje pranë vetes!” shkruan Paloka, duke postuar edhe foton e mëposhtme.
