Ditën e sotme, Presidenti i Republikës Ilir Meta do të mbledh Këshillin e Sigurisë Kombëtare në orën 12:00, i cili do të zhvillohet online.
E gjitha kjo është bërë për të ruajtur ditancën e sigurisë nga njëri-tjetri, për të parandaluar përhapjen e koronavirusit.
Në fokus të kësaj mbledhje do të jetë reagimi i të gjitha institucioneve për marrjen e masave lidhur me përballimin e situatës nga koronavirusin, ku titullarët do të raportojnë para kreut të shtetit, njëherazi dhe kreu i Këshillit të Sigurisë Kombëtare.
Mësohet se kreu i shtetit do të jetë në Presidencë, i shoqëruar nga Këshilltarët e tij, e ndërsa anëtarët e kabinetit qeveritar, me në krye kryeministrin Edi Rama dhe përfaqësuesit e tjerë të institucioneve kryesore në vend do të jenë në zyrën e tyre.
I pranishëm do të jetë edhe kreu i Partisë Demokratike Lulzim Basha, në emër të opozitës së Bashkuar.
Kjo mbledhje vjen një ditë pasi shpalljes së gjendjes të fatkeqësisë natyrore për shkak të situatës nga COVID-19, ku deri më tani janë konfirmuar 5 viktima dhe 123 të infektuar.
Do të marrin pjesë:
Presidenti
Kryeministri
Kreu i Kuvendit
Kreu i SHISH
Kryeprokurori
Kryetari i komisionit të Sigurisë
Ministri i Brendshëm
Ministri i Drejtësisë
Ministri i Mbrojtjes
Ministri i Ekonomisë dhe Financave
Ministri i Energjetikës
Ministri i Shëndetësisë
Ministri i Arsimit
Drejtori i Policisë së Shtetit
Drejtori i Emergjencave Civile
Kryetari i opozitës
