Kosovë, bie Qeveria Kurti

Me 82 vota pro 32 kundër dhe 1 abstenim është votuar mocioni i mosbesimit ndaj Qeverisë Kurti  që ishte inicuar nga LDK-ja.

Vjosa Osmani deklaroi se votoi kundër mocionit. Ishte një seancë maratonë e cila nisi në orën 11:00 të paradites dhe përfundoi në 23 të mbrëmjes. Nuk munguan akuzat e ndërsjellta. Më të forta ishin ato që LDK bëri kundër Albin Kurtit.

Por çfarë tha Kurti pak minuta para se të kryhej votimi?

Kurti flet në Kuvend në një seancë të gjatë ku u kërkua mocion mosbesimi ndaj tij. Kurti foli për raportet me SHBA dhe marrëveshjen me Serbinë. Kurti deklaroi se marrëveshja në Shtëpoinë e Bardhë nuk u bë sepse nuk u pyeta unë dhe kjo gjë nuk mund të bëhej. Ai iu referua edhe presidentit Hashim thaçi, duke i thënë se nuk mund të vendos.

Ndërkohë për shpalljen e gjendjes së jashtëzakonshme tha se nuk ishte ide e Isa Mustafës.

“Në 16 mars më tha Thaçi në telefon se çfarë mendoja dhe unë I thashë jam kundër. Të nesërmen u thirr Këshilli i Sigurisë dhe të gjithë votuan pro të gjithë. Thonë se pse mërzitemi ne se marrëveshja është e keqe. Kurrë marrëveshja me demarkocionin me Malin e Zi nuk ishte bërë nëse nuk do ishte sjellë liberalizimi i lëvizjes së lirë. Ky Kuvend ka votuar edhe marrëveshje të këqija. Marrëveshja Thaçi-Daçiç është marrëveshje e keqe dhe unë kam përvojë të hidhur me këtë. Më pas taksa. Vetëm ambasadori Grennell e ka kështu. Ne jemi mësuar me politikanë dhe diplomat të tjerë. Grennell thotë hiqe taksën pikë, s’ka reciprocitet, të tjerët janë me presje e me radhë. Por unë dua të mbroj interesat e Kosovës dhe ashtu si i kam fituar zgjedhjet, populli duhet të vendos për këtë gjë me një referendum. Unë e lë politikën nëse nuk bëhet kështu. Unë e kam kundërshtuar Grennell pasi ai braktisi Kosovën”.

LEXO EDHE  Koronavirusi/ "Oligarkët po kërcënojnë njerëzit me largim nga puna", Grida Duma: Familjeve shqiptare t’ju sigurohet ushqimi