Basketbollisti i Minnesota Timberwolves, Karl Anthony Towns, ka zbuluar se mamaja e tij ndodhet në gjendje kome për shkak të coronavirusit.
Historinë e tij ai e ndau me anë të një video të postuar në “Instagram”, teksa mes lotësh rrëfeu përkeqësimin e gjendjes shëndetësore të mamasë së tij.
“Temperatura e saj nuk po binte, kolla e saj dhe gjendja e mushkërive po përkeqësohej. Ajo po bëhej më keq dita – ditës. Një ditë dukej se po përmirësohej, por krejt papritur gjendja e saj u përkeqësua, kishte probleme me frymëmarrje, dhe ajo më tha gjëra që unë nuk doja t’i dëgjoja”, shtoi ai me lot në sy.
“Ata e futën atë në gjendje kome dhe që nga ajo ditë nuk kam qenë në gjendje t’i flas. Tashmë vetëm më njoftojnë për gjendjen e saj”, rrëfen ai.
Ndër të tjera ai ka theksuar se këtë virus mund ta mundim vetëm nëse marrim çdo masë të nevojshme dhe i bën thirrje të gjithë njerëzve anembanë botës të mos neglizhojnë asgjë.
WE CAN BEAT THIS, BUT THIS IS SERIOUS AND WE NEED TO TAKE EVERY PRECAUTIONS. https://t.co/zxMqVB9AWk via @YouTube
— Karl-Anthony Towns (@KarlTowns) March 25, 2020
