Kryetari i Partisë Demokratike, Lulzim Basha, ka pranuar ftesën e Presidentit Ilir Meta për të marrë pjesë në mbledhjen e Këshillit të Sigurisë Kombëtare.
Basha thekson se “tani është koha që gjithkush të japë kontributin e tij në shërbim të jetës, shëndetit dhe sigurisë së qytetarëve në këto ditë të vështira”.
Presidenti ka kërkuar mbledhjen e Këshillit të Sigurisë Kombëtare lidhur me situatën e krijuar në vend nga pandemia botërore Covid 19. Deri më sot rezultojnë 123 të infektuar me koronavirus, ndërsa 5 qytetarë kanë humbur jetën.
Meta ka ftuar drejtuesit e institucioneve kryesore të jenë pjesë e mbledhjes, e cila pritet të mbahet nesër.
