Immobile kërkohet nga Napoli, Lotito merr masat për rinovimin me lojtarin

Së fundmi është përfolur për një interesim të Napolit për bomberin e Lazios, Ciro Immobile. Ndaj këtyre zërave ka reaguar menjëherë presidenti i Lazios Claudio Lotito. Numri 1 i Lazios e konsideron të pashitshëm sulmuesin e kombëtares italiane, për të cilin drejtori sportive Igli Tare ka përgatitur një kontratë të re.

Aktualisht Immobile është nën kontratë me klubin kryeqytetas deri në verën e vitit 2023 por te Lazio dëshirojnë ta mbajnë në skuadër deri në 2025-ën, sulmuesin 30-vjeçarin. Nëse hedh firmën mbi kontratën e re gjasat janë që Ciro ta mbyllë karrierën te bardhekaltërit pasi në verën e vitit 2025 do ta ketë kaluar moshën 35-vjeçare.

LEXO EDHE  Depay: Mezi po pres, të luaj me Messin ka qenë ëndërr për mua

Aktualisht Immobile përfiton 3,2 milionë euro plus bonuset në sezon por nga marrëveshja e re do të përfitojë 4 milionë euro në sezon plus bonuset.