Teksa virusi i ri COVID-19 është kthyer në një rrezik serioz jo vetëm për vendin tonë por për të gjithë globin, kryeministri Edi Rama vazhdon karantinën në shtëpinë e tij në Surrel dhe është shumë aktiv në rrjetet sociale.
Kreu i qeverisë ka filluar t’iu kthejë përgjigje qytetarëve që i komentojnë në Facebook-un e tij.
Njëri prej komentuesve shkruan se e ka “gjetur” ilaçin që shëron njerëzit nga sëmundjet infektive, përfshirë këtu dhe virusin COVID-19.
Kryeministri Rama i është përgjigjur me ironi, duke i thënë që projektin ta nisi me e-mail në Shtëpinë e Bardhë në SHBA, se në vendin tonë nuk ka institucion shkencor hapur.
Komenti: Nesër është e hënë, dita e parë e javës. Ju lutem a mund të na thoni se në cilin institucion shtetëror duhet ta dorëzoj projektin për zbulimin e substancës së aftë, për të shëruar sëmundjet virale, përfshi këtu dhe koronavirusin?
Rama: Atë nise me email në Shtëpinë e Bardhë, se nuk ka institucion shkencor hapur këtu?
