Kryeministri Edi Rama ka gjetur kohën të bëjë humor në rrjetet sociale me ndjekësit e tij.
Pavarësisht një situate të rënduar për shkak të Covid 19, duket se Rama kalon kohën e vetëkarantinimit në Surrel, duke nxjerrë Akte Normative dhe duke i kthyer përgjigje qytetarëve në rrjetet sociale.
Një qytetar, ndoshta edhe duke u tallur, ose i apasionuar, e pyet Ramën se ku mund të dorëzojë projektin për zbulimin e substancës për shërimin e koronavirusit, ndërsa Kryeministri i thotë që t´ia çojë Shtëpisë së Bardhë. Nuk dihet pse Rama ka zgjedhur të përfshijë edhe Shtëpinë e Bardhë në batutat e tij.
Mesazhet
Qytetari: Nesër është e hënë, dita e parë e javës. Ju lutem a mund të na thoni se në cilin institucion shtetëror duhet ta dorëzoj projektin për zbulimin e substancës së aftë, për të shëruar sëmundjet virale, përfshi këtu dhe koronavirusin?
Rama: Atë nise me email në Shtëpinë e Bardhë, se nuk ka institucion shkencor hapur këtu!
