Gjatë 24 orëve të fundit policia ka ndëshkuar 20 drejtues mjetesh dhe 278 këmbësorë, në zbatim të masave për ndalimin e qarkullimit në oraret e caktuara.
20 drejtues mjetesh kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjet, ndërsa 278 shtetas, të cilët janë ndëshkuar me gjobë 10.000 lekë, janë konstatuar duke lëvizur në këmbë apo me biçikleta, pa ndonjë arsye apo emergjencë
Uniformat blu bëjnë me dije gjithashtu dhe se janë vënë në pranga dhe dy persona konkretisht shtetasi A. T., 39 vjeç, pasi është konstatuar duke lëvizur pa ndonjë emergjencë apo arsye dhe gjatë shoqërimit ka kundërshtuar me dhunë dhe goditur për shkak të detyrës punonjësit e Policisë dhe shtetasi G. M., 46 vjeç, pasi u kap duke drejtuar pa leje drejtimi, një motoçikletë.
Po gjatë 24 orëve të fundit, në të gjithë vendin janë konstatuar dhe 3 lokale që nuk kanë respektuar orarin e mbylljes dhe ndaj administratorëve është marrë masë administrative 100.000 lekë për secilin.
