Futbollistët e Barcelonës janë gati të heqin dorë nga një pjesë e rrogës së tyre për t’i ardhur në ndihmë financiarisht skuadrës.
Skuadra e parë blaugrana dhe klubi kanë arritur një marrëveshje në këtë moment të vështirë për shkak të situatës nga koronavirusi në Spanjë.
Sipas “Sport”, futbollistët e Barcelonës si Messi, Busquets, Sergi Roberto dhe Piqué kanë rënë dakord për uljen e rrogës së tyre.
Duke qëndruar në atë që raporton e përditëshmja katalnase, për momentin kjo masë është vetëm për ekipin e parë.
Spanja është vendi i dytë më i prekur në Evropë nga Covid-19 pas Italisë.
Deri më tani janë shënuar 1,813 viktima dhe 29.909 të infektuar nga Covid-19.
