Sipas raportimeve më të fundit në Spanjë, Neymar është i gatshëm të rikthehet te Barcelona dhe këtë ia ka bërë të qartë drejtuesve të klubit spanjoll.
“Sport” bën të ditur se Neymar, ka refuzuar zgjatjen e kontratës me PSG-në duke përsëritur kështu dëshirën për tu larguar nga kryeqyteti francez. Duke parë situatën Katalanasit do tentojnë të futin në presion francezët e PSG për t’i vendosur një çmim sulmuesit, i cili është nën kontratë deri qershor të vitit 2022. Tratativat për të risjellë lojtarin në Camp Nou nuk priten të jenë të lehta dhe për të arritur këtë qëllim Barcelona është e gatshme edhe të heqë dorë nga Griezmann.
Vera do të jetë e nxehtë për Neymar dhe Barcelonën, me Messin që e pret krahëhapur sulmuesin në skuadër.
