Kryeministri Edi Rama tha se koronavirusi prek edhe të rinjtë edhe fëmijët. Në këtë kuadër Rama ka drejtuar një apel që gjatë orarit të fashës së lëvizjes, fëmijët dhe të rinjtë të mos e përdorin për të dalë shëtitje apo luajtur, pasi në këtë mënyrë e marrin virusin dhe e çojnë në shtëpi.
Rama tha se shifrat e të prekurve në Botë nga koronavirusi janë të frikshme, ndërsa shtoi se ende nuk dihet se sa do të zgjasë lufta me armikun e padukshëm.
Kryeministri gjithashtu tha se do t’u afrohet qytetarëve 50 % më shumë internet për 5 javë, por ka kërkuar që të mos e shpërdorojnë. Ai tha se në terren qarkullojnë rreth 350 teknikë që po kujdesen për rrjetet e shpërndarjes së internetitit, në mënyrë që ato mos bien në kolaps.
https://www.facebook.com/edirama.al/videos/2625998364286573/
Pjesë nga deklarata e Ramës
“Mbrëmë shifrat në SHBA ishin të frikshme për rininë, 40% e të shtruarve janë nga 20 deri -45 vjec e jo pak prej tyre rëndë, e vërtetë që ky armik merr në botën tjetër ata që janë më të moshuar e të dobët, por është e pavërtetë që të rinjtë janë të paprekshëm madje edhe fëmijët s’janë 100% të paprekshëm, ndaj ju lutem të rinjve, gjimnazistë studentë që dalin në lagje për ajrosje e luajnë edhe basketboll mes orëve 4 e6 të mos lëvizin nga shpia për asnjë arsye se jo vetëm do transportojnë bombat në shpi e të vrasin prindin apo gjyshen por mund të humbasin edhe jetën e tyre, shumë për tyre janë ankuar për internetin këto ditë e ju premtova dje se do ju jepja një lajm.
Ne ishim përgatitur qysh herët, falë bashkëpunimit të policisë, ministrisë është siguruar me gjithë vështirësitë kudo ka qenë e mundur dhe në respekt të kufizimeve aksesi në pikat kryesore të shitjes dhe shërbimit ndaj klientëve, 350 teknikë të autorizuar të qarkullojnë në terren gjatë ditës për të mbajtur rrjetin e për të mos lënë për një kohë të gjatë pajtimtarët bazë pa sherbim.
Në kushtet kur shumica e qytetarëve po ushtrojnë një pjesë të rëndësishme të veprimtarisë online e kur po bëhet përpjekje e madhe për të mos ndërprerë mësimdhënien për nxënësit përmes AKEP kemi inkurajuar operatorët, sipërmarrësit, ata në rrjetet e shërbimeve elektronike të ofrojnë mundësi shfrytëzimi maksimal e cilësor të internetit me kushte të favorshme financiarisht duke pasur në vëmendje mbarëvajtjen teknike.
Në këtë kontekst edhe pas testeve teknike që janë bërë nga operatorët e sipërmarrësit, ofertat që do jenë të vlefshme nga nesër deri në fund të muajit prill 2020
Së pari 50% më shumë internet falas për një periudhë 5 javore. Akses falas në internet në cdo platformë edukative përfshirë edhe RTSH, kanalin që mbulon shkollën, pa kufizim për abonentë me kontratë të fiksit për akses në platforma edukative për fëmijë të cdo moshë 60% më lirë se oferta normale. Zgjatja e ofertave për internet fiks dhe televizor
