“Bashkë mund të lëvizim edhe malet”, është mesazhi që Ambasada amerikane në Tiranë, ka përcjellë, në një kohë kur Bota po përballet me pandeminë e Covid 19.
Në një kohë kur thirrja e vetme për përballimin e pandemisë është distancimi social, Ambasada ka çelur një nismë interesante për qytetarët e izoluar që nuk mund të dalin dot nga shtëpitë e të takojnë të afërmit e tyre apo të bëjnë jetën që kanë bërë më parë.
“Zbatimi i largësisë sociale nuk do të thotë se nuk mund të jemi pranë njëri-tjetrit. Largësitë shkurtohen kur jemi pranë njerëzve të tjerë me mendimet tona.
Prandaj sot, donim të ndanim me ju këtë nismë të bukur të Këndit tonë Amerikan në Vlorë. Këndi fton të gjithë të marrin pjesë dhe të ndajnë një mesazh pozitiv për miqtë, familjarët që ndodhen pranë apo larg, komunitetet ku jetojmë dhe të gjithë botën. Ndani kartolinën tuaj me ne në hapësirën e komenteve mëposhtë”, thuhet në postimin e Ambasadës së SHBA.
