Ditën e sotme u zhvillua një mbledhje mes Federatës Angleze të Futbollit, Premier League, EFL dhe Ligës së Futbollit të Femrave, për të diskutuar se si do të vijohet më tej për sa i përket futbollit në vendin ishullor.
Pak ditë më parë UEFA vendosi të shtynte EURO 2020 për verën e ardhshme, ndërkohë që kampionatet duhet të mbyllen deri më 30 qershor. Pikërisht kjo datë ishte në kundërshtim me rregulloren e FA, pasi aty thuhej se sezoni duhet të mbyllet para 1 qershorit.
Në mbledhjen e zhvilluar sot, është ndryshuar rregullorja dhe është vendosur që ky sezon të mbyllet me 30 qershor, sikurse edhe UEFA u ka sugjeruar 55 federatave anëtare në qeverinë e futbollit europian.
Ndërsa për sa i përket një date se kur do të fillojë kampionati i Premier League, është argumentuar se është akoma shpejt për të marrë një vendim të pjekur.
The FA, Premier League, EFL and women’s professional game, together with the PFA and LMA are committed to finding ways of resuming the 2019/20 football season as soon as it is safe and possible to do so
Full statement: https://t.co/kr0sJk8JHp pic.twitter.com/K1OBzBbKfc
— Premier League (@premierleague) March 19, 2020
